LA UNION – Dup-dupudopen dagiti tattao iti nangayeg a Paskuhan 2021 nga inyuswat ti La Union Electric Cooperative (LUELCO) idiay Sta Rita East, Aringay, La Union.
Iti Paskuhan 2021 ket pakabuyaan iti namaris ken nagarbo a Christmas Lights iti naduma-duma a disenyo.
Iti eksklusibo a pannakiuman ti Bombo Radyo La Union kenni Engr. Mario Del Rosario ti LUELCO, kinunana a numanpay adu iti tattao nga agturturong iti lugarda, ket siniguro na a masursurot dagiti health protocols kontra COVID-19.
Impaganetget na a dagiti laeng bakunado ken addaan ti vaccination card iti mapalubosan a sumrek iti compound.
Impanakkel na pay a ti kompanya da iti kaunaan ditoy La Union a naipaayan ti safety seal manipud DOLE gaputi COVID-19 pandemic.
Iti Paskuhan 2021 ket nailukat iti publiko idi Disyembre uno ken agpatingga inton Disyembre 29 malaksid iti Disyembre 21 a kaaldawan iti anibersaryo ti LUELCO.
Naiyuswat ti nasao nga aktibidad idi 2018 kas highlight iti tinawen nga anibersaryo ti kompanya.
Ngem idi 2020 ket saan a naipatungpal ti nasao nga aktibidad gapu pay laeng ti COVID-19 pandemic.
