Dismayado ni Presidente Ferdinand Marcos Jr. kalpasan nga inispeksion na iti kumarkaro a kasasaad ti rock shed project idiay Camp 6, Barangay Camp 4, Tuba, Benguet ita nga aldaw.
Iti maysa a waragawag iti media, impaganetget ni Presidente Marcos iti epekto ti panagsara dagiti lokal a negosyo a mapatta-patta nga agarop 35% iti napukaw a pagbiagan dagiti taga-Benguet.
Malaksid iti panakadadael ti lokal nga ekonomiya, nangigubway pay daytoy ti panakasara iti lugar gaputi pondo nga sinerrek dagiti “corrupt” nga iti rubbeng na ket aramiden nga standard ken mapangnamnamaan iti imprastraktura.
Iti 264 million pesos rock shed project idiay Kennon Road ket nadisenyo tapno protektaran dagiti motorista manipud ti panakatennag dagiti batbato, ngem kwestionable iti integridad ti istraktura.
Binabalaw na pay iti rock netting project nga inawaganna ti “shady deal”, ken nalawag a 75% ti kontrata ket imbulsa dagiti “corrupt” nga indibidual.
Kabayatanna, nagkari ti Presidente a sakbay isuna a bumaba iti pwesto ket risuten na iti nasao nga isyu.###
