Personal nga ininspeksyon ni Presidente Ferdinand Marcos Jr. ti state-of-the-art Rice Processing System II sadiay Echague, Isabela.
Ti pasilidad ket paset ti Rice Competitiveness Enhancement Fund (RCEF) Mechanization Program nga adda pakabuklan nga P67.48-M investment.
Buklen daitoy ti multi-stage rice mill a kabaelan ti aggiling ti tallo tonelada ti kada oras ken addaan kadagiti lima a recirculating dryer a tunggal maysa ket kabaelan a maproseso ti 12 tonelada a bigas.
Panggep ti programa a makissayan ti production cost ken maipababa ti post-harvest losses.
Namnamaen nga agnumar iti daitoy ti lokal nga industriya ti bigas aglalo kadagiti mannalon nu kasta ket mapangato pay ti biruk da ken masiguro ti kinatibker ti supply.
Agbalin nga kangrunaan nga benepisyaryo ti probinsya ti Isabela ti RPS II, kas suporta metten ti nasurok 70K a mannalon sadiay.
Mapatta-patta a dumanon ti 66K nga ektarya ti taltalon da iti nasao nga probinsya.
