Nangisayangkat ni President Ferdinand Marcos Jr., iti Bayanihan sa Estero nga addaan ti tema a “Malinis na Estero Pamayananan Protektado program” iti Ilugin River (Buli Creek) idiay Barangay Pinagbuhatan, Pasig City idi kalman, aldaw ti Sabado.
Panggep ti programa a kissayan iti epekto ti panaglayos tunggal makapaspasar ti napipigsa a panagtudo.
Daytoy ket babaen ti panag-unclog kadagiti drainage laterals idiay Metro Manila, dredging waterways, panangikkat ti silt manipud iti drainage mains ken ikkaten dagiti accumulated solid waste.
Target ti gobierno a linisan dagiti 23 nga esteros.
Napili dagiti Estero maibasar iti nagbalin nga impact daytoy kadagiti kabangibang a komunidad ken iti proximity kadagiti flood-prone zones.
Personal a binuya ni President Marcos Jr. iti aktwal a panangisayangkat ti cleanup drive iti Buli Creek partikular iti panangikkat dagiti water lilies manipud iti dan-aw babaen iti maysa a crane iti barges ken kalpasan na daytoy ket maikabil dagitoy kadagiti espesyal a dump truck.
Impakita pay ti Presidente iti mobile recovery facility a nakaparangan dagiti by-products a partuat manipud kadagiti water lilies kas dagiti palayok ng liryo ken charcoal briquettes, karaman dagiti recyclable a basura a nakolektar manipud sa dan-aw, pakairamanan dagiti hollow blocks, plastic bricks, ken nadumaduma pay.
Pinadayawan pay ti Presidente dagiti dadduma a volunteers ken dagiti personnel ti MMDA a nangisayangkat iti nagigiddan a cleanup drive kadagiti uppat (4) pay a lugar kas iti Catmon Creek iti syudad ti Malabon, Pinagsama Creek idiay syudad ti Taguig, Hagonoy Retarding Pond iti syudad ti Taguig, ken Tapayan Retarding Pond idiay Taytay, Rizal.
Iti agdama, addaan ti 273 a dan-aw, sanga, estero, ken nakalukat a kanal iti metropolis nga agserserbi a kangrunaan a channel para iti panangala ti stormwater ken dagiti layos iti intero a National Capital Region (NCR).
