Inwaragawag ti Malacañang a saan nga pagdandanagan ni Presidente Ferdinand Marcos Jr. iti naipila nga impeachment complaint kontra kenkuana iti House of Representatives.
Segun kenni Palace Press Officer ken Presidential Communications Office Undersecretary Claire Castro, personal na a nakasarita iti Presidente ken agtalek daytoy a malagpasan iti karit a sangsanguen ti administrasion.
Mamati ti Presidente nga awan ti naaramid na nga impeachable offense ken nalawag kenkuana nga awan ti umdas a basaran iti naidatag a reklamo.
Malaksid ditoy ket saan nga agdur-as iti impeachment complaint gapu ti kinakurang ti ebidensia ken iti agraraira nga proseso iti Kongreso.
Impagenetget ti Malacañang nga agtaltalinaed a nakapamaysa iti Presidente kadagiti pagrebbengana ken iti panangsungbat kadagiti isyu a sangsanguen ti pagilian iti laksid dagiti pammabalaw ken karit iti pulitika.###
