LA UNION – Imbestigaran ti Philippine Coast Guard nu karaman iti oil smuggling wenno maaw-awagan a “paihi” dagiti 3 a barko a nangigubway ti nalawa nga oil spill idiay Bataan.
Iti sidong ti sistema a “paihi”, iti langis manipud iti maysa a dackel a pagikabilan et maiyakar iti basbassit a lugan pangbaybay, tapno maliklikan iti panagbayadda ti buwis.
Segun kenni PCG National Capital Region (NCR)-Central Luzon spokesperson Lieutenant Commander Michael John Encina, duk-duktalen iti investigating team ti pudno a makagapo nu apay nga adda iti kabaybayan idiay Bataan iti limed nga MT Terranova, MTKR Jason Bradley ken MV Mirola sakbay a napasamak iti insidente.
Nainget a makiko-koardinar da iti dadduma nga ahensiya tapno tumulong iti napalabas a citations dagiti nasao a barko.
Immunan nga imbaga ni Justice Undersecretary Raul Vasquez idi Sabado a kitkitaen ti Department of Justice (DOJ) iti posible a “conspiracy” wenno kinnutsabom, a nakaigapwan ti oil spill idiay Bataan ken pakairam-ramanan dagiti tallo a lugan pangbaybay, a nag-leak iti ribu a litro ti gasolina idiay Manila Bay.
Idi Biyernes, imbaga ni Justice Secretary Jesus Crispin Remulla a kit-kitaen ti DOJ iti panangidatag na ti class suit kontra kadagiti responsable iti oil spill.
Imbaga ti sekretaryo nga amin dagiti tallo a barko ket adda pakainaigan dagitoy.
Siniguro met ni Lt. commander Encina a pagsungbaten da dagiti responsable iti napasamak nga oil spill.
