LA UNION – Natay iti maysa a PDL a naka-detain gaputi kaso a rape kalpasan a maipagarop a nagbekkel, babaen iti panangibitin ti bukod na a bagi iti uneg mismo a selda daytoy.
Base iti inisyal nga imbestigasyon dagiti otoridad, nadiskubre iti panagbekkel ti naka-isolate a PDL, managan George Obillo, 55-anyos, residente ti Barangay Corro-oy, Santol, La Union, idi a mangisayangkat ti morning inspection ti naka-duty a jailguard.
Naiturong ti nasao a PDL iti Ilocos Training and Regional Medical Center (ITRMC) gaputa adda pay pulso na idi imbaba dagiti otoridad manipud iti pannakaibitin na, ngem natay met laeng, segun iti attending physician a nangtaming iti daytoy.
Maysa a nangisit a cord iti maipagarop nga inusar ti PDL iti panagbekkel na.
