Nangiganwat ti La Union Police Provincial Office (LUPPO) ti Unity Walk ken Peace Covenant Signing a nangrugi iti Monumento agingga iti City Plaza ditoy San Fernando City, La Union alas 5 itay parbangon.
Kabilang kadagiti immatendar dagiti nadumaduma a men in uniform, religious leaders, Comelec, DILG ken dagiti politiko.
Naglippas ti programa alas 7 itay bigat.
Iti pannakiuman ti Bombo Radyo La Union kenni La Union Pulis Provincial Office Police Lt. Col. Norman Tanedo a ti programa ket simbolo iti masungad a May 9, 2022 election.
Innayon pay ni Teñido a ti panaglippas ti programa ket naangay ti candle lighting ceremony ken panagpatayab iti 16 nga kalapati.
