LA UNION – Nakasaganan dagiti kameng ti Commission on Election ken Philippine National Police ti maisayangkat a peace covenant signing kadagiti amin a kandidato iti probinsya ti La Union.
Iti pannakiuman ti Bombo Radyo kenni C/Ins. Silverio Ordinado, tagapagsalita ti La Union Police Provincial Office (LUPPO), kinunana a maangan ti nasao nga aktibidad iti bigat ti January 13, 2019 kagiddan iti panangrugi ti election period.
Sakbay ti aggigiddan a panagpirma ti peace covenant ket maaddaan pay ti unity walk ken prayer rally dagiti kandidato.
Sigun ke Ordinado, dagiti kandidato manipud iti umuna a distrito ti probinysa ket aguummong pay idiay LUPPO kabayatan nga idiay Police Regional Office-1 met dagiti kandidato ti maikaddua a distrito.
Aggigiddan nga agturong ken agsinnabat dagitoy idiay San Fernando City Plaza kasaruno ti peace covenant signing.
Namnamaen met dagiti organizer ti aktibidad a dumar-ay iti amin a kandidato iti naduma-duma a posisyon ken sumagmamano a sektor ti probinsya.
