BR LA UNION – Ti kalami-isan a paset ti panawen ti Amihan wenno northeast monsoon season, ket posible a mariknan a masansan a mapasamak iti maudi a paset ti Enero.
Mangrugi inton bigat, namnamaen a marikna ti napigsa a pul-oy ti Amihan a mangipaay ti nalammiis nga angin iti Luzon, a posible a dumanon agingga idiay Visayas ken amianan a paset ti Mindanao.
Gapu iti daytoy, manamnama a bumaba manen ti temperatura, partikular iti Northern Luzon.
Posible met a makapadas ti masansan a panagtudo iti dumaya a paset ti pagilian gapu iti northeast monsoon ken dadduma pay a weather system.
Adda posibilidad a mangpataud pay daytoy iti napigpigsa nga amihan surge iti sumaruno a lawas, nangruna iti umuna a paset ti Pebrero.
Iti kallabes nga aldaw, 7.5 degrees Celsius ti nairekord iti kabambantayan idiay Cordillera, idinto a 7.9 degrees kadagiti kabangibang a lugar a paset ti Luzon.
