Maipasidong ti training ti Philippine Army ti panagusar ti payload delivery system ti Typhon mid-range capability (MRC) missile para ti umadani nga Philippine-US military drills inton Pebrero, segun kenni Philippine Army spokesman Colonel Louie Dema-ala.
Bayat ti panagsanay, ti Army Artillery Regiment ken ti US Army Pacific (USARPAC) ket mangipamatmat ti panagusar ti Typhon missile system nga immuna a simmangpet ditoy pagilian idi Abril 2024 ken naudi a naipadamag nga adda iti rehion ti Ilocos Norte.
Nupay bumusbusor ti China iti kaadda dagiti typhon missiles ditoy Pilipinas, impaganetget ti Department of National Defense (DND) a saan a maikkat dagitoy.
Kabayatanna, kinuna ni AFP Chief General Romeo Brawner Junior a kayatna a ti pagilian ket makagun-od iti missile systems a mangpasayaat iti kabaelan dagiti tropa iti moderno a teknolohia panggubat.
Mainayon pay iti dayta ket ti Philippine Air Force (PAF) ken ti US Pacific Air Force (PACAF) ket mangpapigsa met iti relasionda babaen ti high-level coordination ken panagsanay tapno mapapigsa ti depensa ken seguridad ti rehion.
