Nakipaset ti Pilipinas iti oral proceedings ti International Court of Justice (ICJ) babaen ti request ti UN General Assembly para iti advisory opinion kadagiti obligasyon dagiti estado nga adda pakainaigan da iti climate change.
Dinar-ayan daitoy da Solicitor General Menardo Guevarra kakadwa da Philippine Ambassador to the Netherlands Eduardo Malaya ken Permanent Representative to the United Nations Office Geneva Carlos Sorreta.
Ditoy ket dinakamat ni Guevarra dagiti bagyo a dimmuprak ti pagilian gapo iti climate change manipud iti Super Typhoon Yolanda agingga kadagiti kaudian a bagyo a nangapektar ti mapatta-patta a 9.6M a Pilipino, nangperdi kadagiti 208,000 a kabalayan, ken nangibati ti 158 a tattao a pimmusay.
Nu maipapan met ti kabaybayan ti pagilian, impadamag ni Guevarra ti naduktalan ti Filipino marine bioligists a ni Jonathan Anticamara – naamwan a nalawa ti perdisyon kadagiti coral reef wenno bahura idiay Escoda shoal ken kangrunaan a rason ket iti climate impact.
Kabayatanna, nagpanawagan met ni SolGen Guevarra kadagiti estado a respetuen dagiti obligasyon da para iti panangprotekta ken bigbigen dagiti karbengan pangtao a maap-apektaran ti climate change gapo iti greenhouse gas emissions.
