Kinumpirma ti Philippine Navy (PN) ti panagdalyasat ti Chinese Research vessel a Lang Hai 101 ti makindaya a paset a kabaybayan ti Palawan idi Dominggo, Pebrero 9.
Kinuna ni PN spokesperson for the West Philippine Sea Rear Admiral Roy Vincent Trinidad a dagos a naammuan ti presensiya ti barko babaen ti Littoral Monitoring Station Melville.
Dagos met a nangiganwat ti radio challenge ti Philippine Navy kadaitoy nga barko ti China seknan ti presensiya na iti lugar.
Inlawlawag ni Trinidad a dimmalyasat ti Lan Hai 101 iti makindaya a kabaybayan ti Palawan gapo iti dakes a panniempo nga inggubuay ti akin-laud a paset ti probinsya.
Agarop alas-5:50 ti malem idi Dominggo idi nasaripatpatan ti Lan Hai 101 ti kaadayo a 19.05 nautical miles ti Tinituan Island, Cuyo, Palawan.
Kabayatanna, ti deployment met ti naval ken coast guard assets ket agserserbi a testamento iti collaborative approach a panagsungbat ti Philippine Navy kadagiti maritime challenges.
