BR LA UNION – Pinaglibakan ni Philippine Navy Spokesperson for the West Philippine Sea Rear Admiral Roy Vincent Trinidad iti iwar-waras ti China nga agar-aramid ti nalawa a polusyon iti BRP Sierra Madre idiay West Philippine Sea.
Daytoy ket kasaruno iti inruar ti China a video footage a mangipakpakita iti tropa ti Pilipinas nga agpupu-or ti basura idiay BRP Sierra Madre, iti barko nga insadsad ti pagilian idiay Ayungin Shoal.
Segun kenni Trinidad, maysa a ‘fire drill’ iti inaramid ti tropa ti gobyerno a nakabase iti nasao nga outpost.
Iti inruar ti China a video a saan na nga inammo ti pudno a pasamak ket paset unana ti panagiwaras ti nasao a pagilian ti biddut nga impormasyon.
Kinunana pay a paset daytoy ti ‘deceptive messaging’ nga ipatpatulod ti Chinese Communist Party.
Immunan a pinaglibakan ni National Task Force for the West Philippine Sea (NTF-WPS) spokesperson Jonathan Malaya iti claims ti China ket impagnetget na nga awan kinapudno na nga agar-aramid ti polusyon iti tropa ti gobyerno a nakabase idiay BRP Sierra.
Impaganetget pay ti opisyal nga imbes a dadaelen iti WPS ket ipangpangruna iti tropa ti gobiyerno a protektaran iti nasao a kabaybayan manipud iti polusyon, basura, ken dadduma pay.
