Rinaut ti New People’s Army (NPA) dagiti soldado a mangipatulod lang kuma kadagiti relief goods kadagiti biktima ti Bagyong Kristine idiay Pio Duran, Albay.
Segun kenni Philippine Army 9th Infantry Division (9ID) Spokesperson Major Frank Roldan, agdagop ti sangapulo nga NPA iti nangraut kadagiti soldado ti 49th Infantry Battalion sadiay Barangay Matanglad.
Nagpaot ti gyera ti dua a dasig ti 15 minutos a nakadunoran ti maysa a sundalo iti makin-kannigid a luppo na kalpasan a natirwan iti anti-personnel mines.
Kinuna ni Major Roldan a target dagiti rebelde nga alaen amin nga relief goods a para kadagiti residente ti lugar.
Dagos met a kinondenar ti Philippine Army ti insidente ken inawagan da a kinatakrot iti daitoy a panagraut ti NPA, aglalo ket panawen pay iti bagyo wenno didigra nga adu iti agkasapulan iti tulong.
