LA UNION -Nangiruar ti abiso iti Philippine Embassy idiay Lebanon kadagiti umili a Pilipino a pumanaw pay laeng iti nasao a pagilian bayat a nakalukat pay iti airport iti tengnga ti tensyon.
Maibasar iti evacuation notice ti embahada, dagiti saanna kayat ti pumanaw idiay Lebanon ket naallokoy nga agturong iti natalged a lugar.
Dagiti met Pilipino a kayatna ti ag-avail ti repatriation ket nasken nga ag-fill-in da iti form.
Naipadamag a ngimmato ti tensyon iti baetan ti Lebanon-based Hezbollah ken Israel iti napal-palabas a lawas.
Nangiyuswat ti Iranian-backed Hezbollah group ti drone attack itay kallabes idiay Golan Heights nga okupado ti Israel.
Maysa a Hezbollah strike ti timmama iti football ground idiay Golan Heights, a nakatayan ti 12 a tattao a pakabilangan dagiti agtutubo.
Maysa met nga Israeli air strike idiay Tehran iti nagresulta ti pannakatay ni Hamas political leader Ismail Haniyeh.
Sipud idin, iti Hezbollah ket nangiyuswat ti drone attack idiay northern Israel bayat nga iti Israel warplanes ket Nakita iti ‘swooping low’ idiay Beirut iti umuna a paset ti bulan.
