Maysa iti Pilipinas kadagiti kangrunaan a pagilian a top buyer ti aircraft ken dadduma pay nga defense equipments manipud Estados Unidos.
Maibasar daitoy iti datos manipud Abril 2023 agingga Marso 2024.
Iti las-ud ti nadakamat a panawen, dumanon ti pakabuklan $348.6-M ti aircraft ken defense exports ti Estados Unidos ditoy Pilipinas.
Segun met iti United States Department of Commerce’s Industry and Analysis-Aerospace Office ken United States Commercial Service, nakailako ti Estados Unidos ti agdagup $282.4-M a gatad ti civil aircraft kas kada partes dagitoy ken Pilipinas ti maika-17 a top buyers da.
Naigatang met ti sabali pay nga defense equipments ti nabatbati nga $66.2-M.
Malaksid iti Pilipinas ket ninaganan pay ti Estados Unidos dagiti pagilian nga Australia, Brunei, Canada, Indonesia, Japan, Malaysia, Mexico, New Zealand, Vietnam, kas top markets ti United States Civil Aerospace ken defense exports.
