Naan-anayen a nakaruar ti Pilipinas iti ‘grey list’ ti Financial Action Task Force wenno FATF kalpasan ti tallo a tawen.
Segun iti Paris-based task force, naaramidan ti pagilian a labanan dagiti panagserrek ti “dirty money” kasta met ti “terrorism financing”.
Binigbig pay ti FATF nga adda ti talaga a naan-anay a panangikkat ti gobierno kadagiti Philippine Offshore Gaming Operators (POGO).
Innayon pay ti grupo a gapo iti panagbalin nga aktibo ti pagilian iti panaglaban kadagiti POGO ken panangipaserra kadagiti casino junkets ket napukawen iti listaan da ti Pilipinas.
