Nainget a kinondenar ni Department of National Defense (DND) Secretary Gilberto Teodoro Jr. iti palawag ti Chinese Embassy mainaig iti sungbat ti Department of Foreign Affairs (DFA) iti nasao nga isyu iti West Philippine Sea.
Segun kenni Teodoro, ipakpakita ti statement nga inaramid ti embahada iti kinakurang ti kinapasnek ken panangallilaw ti Chinese Communist Party iti pannakilangen na iti Pilipinas.
Kinunana nga imbes a mangtedda iti kapatpati a panangilawlawag, maipagarop nga indalan dagiti opisial ti embahada iti sungbat da babaen kadagiti nakaro a waragawag.
Impaganetget ti sekretario a saan nga agpaatiw ti Pilipinas iti panangsalaknib iti soberanya ken nasional nga interes.
Impasiguradona pay a mabuteng iti gobierno ken dagiti umili a Pilipino iti aniaman a kita ti pammutbuteng wenno panangallilaw.###
