Binalakadan ti Philippine Embassy sadiay Israel dagiti Pilipino nga liklikan dagiti sumagmamano a lugar iti pagilian gapu iti kumarkaro a tension idiay Middle East.
Panggep daytoy a pakdaar ket tapno maiyadayoda iti aniaman a peggad a patauden ti agtultuloy a gyera.
Segun iti Philippine Embassy, kasapulan a liklikan dagiti Pilipino dagiti paset ti Jerusalem partikular idiay Temple Mount, Damascus Gate, Herod’s Gate, Al Wad Road, Musrara Road ken bisinidad iti East Jerusalem.
Kayat pay ti Embahada a liklikan dagiti Pilipino iti agturong idiay West Bank, lugar nga asideg iti beddeng ti Gaza ken Lebanon, Golan Heights ken lugar nga asideg kadagiti base militar wenno outposts.
Nakapasidong iti Israel iti Alert Level 2 sipud pay idi Abril ita a tawen segun iti Department of Foreign Affairs.
