Dagiti indibidual a mangbusbos iti P64 pababa para iti tallo a pannangan iti inaldaw ket maibilang a “food poor,” segun ken ni NEDA Secretary Arsenio Balisacan.
Iti umuna nga aldaw ti Senate hearing iti naisingasing a 2025 budget, nadamag ni Balisacan ti agdama a threshold para iti maysa a maiklasipika kas “food poor.”
Kinuna ni Baliscan a ti gatad ket mangsaklaw iti tallo nga inaldaw a pannangan iti tunggal tao.
Immadu daytoy a gatad manipud idi 2021 no sadino a ti ‘food poor’ threshold ket P55 kada tao ken manamnama nga umadu daytoy iti P67 inton 2025.
Inlawlawag ti hepe ti NEDA a balbaliwanda laeng ti threshold basar iti implasion tapno mamonitorda no epektibo dagiti polisia ti gobierno maipapan iti poverty wenno kinapanglaw.
Daytoy ti nangtignay kadagiti senador a mangidagadag iti NEDA a mangrepaso iti threshold-da tapno masigurado nga umiso ti poverty forecast.
Immanamong ni Balisacan a panawenen tapno bisitaen manen ti threshold-da.
Kinuna ni Balisacan a ti panagbisita manen iti food basket ket maikonsiderar dagiti food preferences, ti relatibo a presio dagiti tagilako, ken dadduma pay.
