Impasigurado ti Philippine National Police a kamaten da dagiti vloggers ken content creators nga agiwarwaras ti peke wenno palso nga impormasyon, pakairaman dagiti agar-aramid ti scenario kas iti krimen, aksidente, ken dadduma a content a pagparparangen da a pudno ken kapatpati.
Daytoy iti nagbalin a ballaag ni PNP Chief Police General Nicolas Torre III gapo kadagiti agwarwaras a video iti social media kas iti parparbo a holdap iti maysa a bus idiay Cebu.
Raraemen ti PNP iti ‘freedom of expression’ ngem saan a rumbeng a kunsintiren dagiti materyal a mangipapaay ti panagbuteng, panagdanag, ken panakadadael iti pagbiagan ti publiko.
Panawagan ti PNP Chief, agbalin a responsable iti panagaramid ti content iti social media tapno saan a makaapektar iti seguridad ken kinaurnos ti publiko.###
