Nangipaay ti Philippine National Police (PNP) iti pakabuklan a P10.6 million kadagiti 30 informants a timmulong iti pannakatiliw dagiti 30 a wanted criminals iti intero a pagilian.
Naangay iti nasao nga event idiay Camp Crame a nakaawatan dagiti informants iti premio a naikabil kadagiti plastic envelopes, ken nakasuotda ti full-face mask tapno masalakniban iti pakabigbiganda.
Segun iti ahensia, naggapu iti PNP intelligence fund iti pondo a naaramat kas cash rewards nga inaprobaran ti Department of the Interior and Local Government (DILG).
Natakuatan a dagiti naaresto ket karaman kadagiti dadakkel a krimen kas iti murder, rape, ken homicide.
Ti kadakkelan a reward a P5.3 milion ket naited iti informant a timmulong iti pannakaarestar iti suspek idi Pebrero 2023 a wanted ti 7 counts of murder ken 25 counts of frustrated murder.
Bayat nga iti kabassitan a gunggona a P50,000 ket naited iti informant a timmulong iti pannakatiliw ti suspek idiay Kalinga idi Enero 2024 nga addaan ti double murder charges.
Impaganetget ni PNP acting chief Lt. Gen. Jose Melencio Nartatez iti kinapateg ti pannakitinnulong ti publiko iti panangrisut ti krimen, ken imbalakad nga itultuloy iti panagreport kadagiti napateg nga impormasion kadagiti pulis.#
