Agdagup iti 17 a tattao a PNP personnel ken sibilyan nga addaan ti terminal illnesses ken 15 a differently-abled person (PWDs) iti tinulungan ti La Union Police Provincial Office ken La Union Vibrant Riders (LUVR) iti naiyuswat a 2nd LUPPO and LUVR Binnadang Outreach Program idiay Marangal Grandstand, Camp Diego Silang, Carlatan, City of San Fernando, La Union idi Setyembre 15, 2023.
Inmawat ti financial assistance ti 12 pulis ken limang sibilyan a kaadduan kadakuada ket addaan cancer, chronic kidney disease ken daddumapay bayat a 15 PWDs ti nakaawat ti barbaro a wheelchair, bigas ken grocery packs.
Nagbalin a guest speaker iti programa ni Hon. Alfredo Pablo “ALF” R. Ortega, City Vice Mayor ti City of San Fernando ken maysa a founder ti LUVR, no sadino dinayawna ti programa.
Imbatad ti ni Vice Mayor Alf, ti agtultuloy a suporta iti LUPPO manipud iti lokal a gobierno pati iti LUVR nangruna kadagiti programa a tumulong kadagiti agkasapulan a kakailian. Kinunana a dagiti beneficiaries ket saanda nga agmaymaysa ken adda laeng ti LUVR ken PNP a mangtulong kadakuada.
Naimpusuan met a nagyaman ni PCOL LAMBERT A SUERTE, Provincial Director ti LUPPO kadagiti timmulong ken nakipaset iti programa.
