LA UNION – Dumanon iti P9 billion pesos ti pondo a inruar ti gobierno tapno usaren a pangtulong kadagiti mannalon ken mangngalap a naapektaran iti El Niño Phenomenon.
Segun kenni Agriculture Assistant Secretary Arnel de Mesa, P700 million manipud iti daytoy ti naggapu iti Presidential Assistance kadagiti Mannalon ken Fisherfolks.
Iti daytoy a programa, makaawat dagiti mannalon a naapektaran iti El Niño agingga iti P10,000 pesos.
Iti sabali pay a tulong ket babaen ti nadumaduma nga agricultural inputs kas iti abono, hybrid seeds, irrigation materials ken dadduma pay.
Segun kenni De Mesa, ni presidente mismo ti nangted ti tulong para kadagiti mannalon kabayatan ti panagturong na iti nagduduma a paset ti pagilian.
Karaman kadagiti lugar a naapektaran ti El Niño ken sinarungkaran ti PBBM ket ti Peninsula ti Zamboanga, Soccsksargen, Northern Mindanao, Bangsamoro Autonomous Region iti Muslim Mindanao, Davao, Bicol, Cagayan Valley ken Caraga Region.
