BR LA UNION – Ad-adalen ita ti Department of Education iti posibilidad a panangipatungpal ti class schedules adjustment kadagiti pagadalan gaputi nakaru a kinadagaang ti panawen.
Nairanta ti nasao nga addang a masiguro ti kinatalged dagiti agad-adal agraman dagiti personnel.
Nangipatungpal metten ti ahensya kadagiti addang gaputi nakaru a kinabara ti panawen iti sumagmamano a lugar ditoy pagilian.
Kabilang ditoy iti posible nga adjustment ti panagserrek a nasap-sapa wenno late afternoon tapno maliklikan ti nadagaang a panawen.
Segun kenni DepEd Sec. Sonny Angara, adda iti sumagmamano a pagadalan ken lugar a nag-adjust ti oras, manipud alas 6 ti agsapa agingga alas 10 ti agsapa.
Iti met serrek ti malem ket manipud alas 2 ti malem agingga alas 6 ti rabii.
Mangrugi met iti alas 10 ti agsapa agingga alas 2 ti malem iti asynchronous learning kadagiti pagadalan.
