Mamati ni Commission on Elections George Erwin Garcia a masayang laeng ti pondo ti gobierno no saan a maigiddan ti parliamentary election iti Bangsamoro Autonomous Region in Muslim Mindanao iti 2025 midterm elections.
Inaramid ni Garcia ti statement kas sungbat iti naisingasing a gakat a mangitantan iti regional elections.
Iti laksid daytoy, impanamnama ni Garcia a nakasaganan ti poll body a mangisayangkat iti umuna nga eleksion para iti BARMM.
No saan nga matuloy ket kinunana a masayang met ti panagsagana da para iti daytoy.
Inlawlawag pay ti opisyal a maysa laeng a makinarya ti mausar para iti 2025 midterm elections ken BARMM election.
Naipadamag pay a rinugianda metten nga awaten dagiti mangipila iti kandidaturada para iti eleksion ti BARMM.
