Nangigubuay ti nakaro a perdisyon iti napigsa a Typhoon Khanun idiay pagilian a Japan.
Iti pannakiuman ti Bombo Radyo La Union kenni Bombo International News Correspondent Miles B. Beltran manipud pagilian a Japan, kinunana a 200,000 a babbalaw iti napukawan iti supply ti koryente.
Segun kenni Beltran, adu dagiti kayo iti nabual wenno natumba, agraman dagiti naibalandra iti kalsada ken naitayab gaputi kinapigsa ti tudo ken angin.
Imbatad na nga adda iti 11 nga indibidwal iti nadundunor kalpasan a na-trap dagitoy iti maysa a garahe, ken maysa nga indibidwal ti natay gaputi cardiac arrest.
Adu dagiti pasdek negosyo ken establishemento iti nagrikep gaputi nasao a Super Typhoon.
Awan met iti trabaho dagiti empleyado kas immunan a pammilin ti Japan Government ken nairana met a Summer Break dagiti estudyante.
Kinunana pay ni Beltran nga segun ti Japan Metreological Agency, awan pay iti nailista nga evacuees nngem nu man maaddaan, adda dagiti naisagana iti gobyerno ti Japan a shelter wenno evacuation centers, ken school gymnasiums a turungen dagitoy.
Innayon pay ni Beltran a nagrikep dagiti shopping malls ken naibus dagiti taraon kadagiti convenience store gaputi panagpanic-buying dagiti tattao.
Binalakadan ni Beltran dagiti kailyan a Pilipino idiay Japan a saan nga agpanic ken agtalinaed laeng kadagiti natalged a lugar kas kuma iti pagtaengan ken paa-tiddogen pay iti pasensya.
