LA UNION – Nagpatulod iti Philippine Red Cross iti maysa a Team a tumulong iti umad-adu a pasyente nga addaan ti kaso a leptospirosis idiay National Kidney and Transplant Institute (NKTI).
Idi Biyernes, immunan a naipadamag a napunno iti capacity ti NKTI gaputi panagadu iti pasyente.
67 kadagiti pasyente iti nailista a kumpirmado iti sakit a leptospirosis bayat nga 48 iti naka-confine.
Gaputi dayta, dagus a nagresponde iti Red Cross ken nagpatulod ti 15 medical personnel a sumuporta gapu iti kinakurang ti staff iti nasao a medical center.
Segun kenni Philippine Red Cross Chairman ken Chief Executive Officer Richard Gordon, siguradwenna a nakasagana iti Philippine Red Cross a mangimuntar iti medical tent nga addaan ti hospital bed nu ngumato pay iti bilang dagiti pasyente.
Kabayatanna, malaksid kadagiti nakaptan ti sakit a leptospirosis, adu pay iti agpat-pataming iti ospital gaputi dadduma a sakit ken nagpaisidong iti operasyon .
