LA UNION – Pinagyamanan ni President Ferdinand Marcos Jr. ni Israeli President Isaac Herzog gapu iti panang-patalinaed na a natalged ti kasasaad dagiti Filipino idiay Israel.
Inaramid ti Presidente iti panagyaman bayat ti panagsarita dagiti dua iti telepono iti uneg ti Malacañang Palace.
Segun iti Presidente, agtaltalinaed a maysa iti Israel kadagiti mapagtalkan a bilateral partners idiay Middle East.
Innayon na a laksid nga adda ti nangato a tensiyon idiay Israel gaputi pannaki-rinnupak kadagiti Hezbollah ken Hamas, ket impasigurado da a natalged dagiti Pinoy sadiay.
Maipalagip a kabilang iti Pilipinas kadagiti nagbotos iti United Nations General Assembly resolution a kumidkiddaw ti ceasefire idiay Gaza tapno maiserrek iti humanitarian aid ken matulungan dagiti sibilyan a maip-ipit iti nasao a lugar.
