BR LA UNION – Binalasa ni President Ferdinand Marcos Jr. dagiti miyembro ti National Security Council (NSC).
Inaramid ni President Marcos iti reorganisasyon ti NSC tapno ikkaten iti bise-presidente wenno ni VP Sara Duterte ken dagiti sigud a nag-presidente kas miyembro ti konseho.
Maibasar iti Executive Order (EO) No.81, iti NSC ket idaulwan ti presidente kas chairperson idinto nga agbalin a miyembro iti senate president, house speaker ken dadduma pay nga opisyal ti gobyerno.
Mabalin met a mangdutok ti Presidente ti dadduma nga opisyal ti gobyerno kas kameng ti NSC ken private citizens.
Kabilang iti Executive Committee ti NSC iti Presidente kas chairperson, bayat a miyembro iti executive secretary, senate president wenno pannakabagi na, house speaker wenno pannakibagi na ken dadduma pay a gov’t officials.
Kagiddan daytoy, nabilin iti Director-General ti National Intelligence Coordinating Agency (NICA), chief of staff ti Armed Forces of the Philippines (AFP), ken dagiti hepe ti Philippine National Police (PNP) ken National Bureau of Investigation (NBI) a dumar-ay iti panagtataripnong ti konseho ken tumulong iti deliberasyon.
Mabalin pay nga imbitaran iti gobernador ti Bangko Sentral ng Pilipinas (BSP), dadduma pay nga opisyal ti gobyerno ken pribado nga indibidwal iti NSC.
Na-reorganize pay iti NSC executive committee ken saan metten a karaman ditoy iti bise presidente.
