LA UNION – Adda ita idiay Jakarta, Indonesia ni President Ferdinand Marcos Jr. kadwa na ni First Lady Liza Marcos tapno dumar-ay iti inagurasyon ni President-elect Prabowo Subianto ken Vice President-elect Gibran Rakabuming Raka.
Ita nga aldaw ti Domingo, October 20,2024 a maisayangkat ti inagurasyon.
Simmangpet idi rabii idiay Soekarno-Hatta International Airport idiay Jakarta, Indonesia ni Pres. Marcos ken sinabat da Retired General Muhammad Tito Karnavian nga ita ket agdama a Minister of Home Affairs ti Indonesia, kadwa na iti sumagmamano nga opisyal ti Indonesian government ken representatives manipud Philippine Embassy idiay Indonesia.
Iti panagturong da Pres. Marcos ken First Lady Liza idiay Indonesia ket maibasar iti nagbalin nga imbitasyon ni Indonesian President Joko Widodo.
Daytoy ket mangpatibker pay iti panaggayyem ti dua a pagilian ken mangpapigsa ti bilateral relations iti baetan ti Pilipinas ken Indonesia.
Ram-rambakan pay ti Pilipinas ken Indonesia iti maika-75 nga anibersaryo ti formal diplomatic relations.
