LA UNION – Siniguro ni President Ferdinand Marcos Jr. a pirmaan na iti 2025 national budget sakbay ti paskua.
Binilin metten ti Presidente dagiti mammanday linteg nga iplastar ti budget nangruna iti pondo ti Department of Education a nakissayan.
Imbaga ti Presidente a tarigagay na a maisubli iti budget ti DepEd nangruna ket napateg ken prayoridad ti gobyerno na ti education sector.
Iti agdama, sim-simpaen ti Malakanyang iti detalye ti national budget para iti sumaruno a tawen.
Iti maysa nga interview idiay Malakanyang, imbaga ni President Ferdinand Marcos Jr. a kalpasan iti bicameral conference committee ket awan pay ti punto na a kasapolan nga i-veto.
Inlawlawag na a ti nalpas laeng ti bicam ket iti pakabuklan a budget ngem awan pay ti detalye.
Kinuna na a dua laeng a banag iti kayat na a mataming iti gakat a pondo, kas koma iti saan a panangilatang ti subsidiya para iti Philhealth ken ti dackel a naikissay iti budget ti Dept of Education.
Imbaga ti Presidente nga itaklek na daytoy kadagiti mammanday linteg wenno iti bicam a talantanen daytoy wenno italek iti diskusyon dagiti dua a lider ti kongreso.
Siniguro met ti Presidente a sakbay nga ag-paskua ket pirmaanna iti 2025 pambansang budget nga agbalor ti P6.352 trilyon a pisos.
