LA UNION – Ipas-pasirip ni President Ferdinand Marcos Jr., kenni incoming Department of Education Secretary Sonny Angara iti pinansiyal nga status dagiti mangisursuro .
Saan met a direkta nga imbaga ti Presidente nu daytoy ket iti posible a panagngato ti suweldo dagiti public school teachers.
Iti maysa nga interview kenni President Marcos idiay probinsiya ti Sulu, imbaga na a napateg a napintas iti pinansiyal nga estado dagiti mangisursuro tapno mapakan da a nasayaat ti pamilya da.
Imbaga ti Presidente a nu saan nga umdas ti suweldo dagitoy, saan nga agbalin nga epektibo iti panagisuro, agsipudta pam-panunuten da iti pamilya dagitoy.
Malaksid iti pinansiyal nga aspeto, maipasidong pay dagiti teachers iti re-training programs nangruna ket napaspas ti development kadagiti baro a teknolohiya.
Tarigagay ti Presidente nga agbalin nga ekspert dagiti mangisursuro kadagiti kabarwan a teknolohiya a maus-usar itan, isunga tarigagay na a maaddan ti naan-anay nga ammo, babaen iti pannakaipasidong dagitoy iti panagsanay.
Target pay ti Presidente a maisayangkat dagiti feeding program tapno masungbatan ti problema iti height wenno kina-bansot dagiti ubbing nga agad-adal.
Kayat a masiguro ti Presidente kenni Sec. Angara a maisuro kadagiti ubbing ti Philippine history agsipudta napateg nga ammo da iti pakasaritaan ti Pilipinas.
