Nagduduma ti nagbalin a presio ti karne ti baboy ken manok iti pampubliko a merkado gapo iti panagsaknap ti African Swine Fever iti sumagmamano a probinsia.
Maipakita ti monitoring manipud iti Department of Agriculture a P305 ti presio ti liempo iti kada kilo idinto a ngimmato ti presio dagiti manok ken itlog gapu ta agsapsapul dagiti konsyumers iti alternatibo a pagtaudan ti protina.
Ti panagraira ti ASF ket addaan iti makadadael nga epekto iti nasional a populasion ti baboy a bimmaba manipud iti 12.7 a milion idi 2019 agingga iti napattapatta a 9.9 a milion idi ngudo ti 2023.
Segun iti Bureau of Animal Industry, nagsaknap ti ASF iti amin a 17 a rehion ti Pilipinas ken naapektaran ti 74 a probinsia.
Manipud idi Agosto 8, 64 a munisipyo iti 22 a probinsia ti nakaireport iti aktibo a kaso ti ASF.
Mangpondo met ti DA kadagiti programa maipapan iti repopulation ti baboy ken impasigurado ti akensya a dagiti naapektaran a produkto ti karne ti baboy ket saan a makadanon kadagiti merkado.
