LA UNION – Ngimmato metten iti presyo ti balut ditoy siyudad ti San Fernando. Manipud iti sigud a P20.00 kada piraso ket agbalor itan ti P25.00
Ngem nupay ngimmato iti presyo daytoy ket agtultuloy latta ti panaglako dagiti balut vendors iti night market.
Segun kenni Ms. Delia Aquino de Mesa, aglako latta iti balut agsipudta dackel a tulong kenkuana, nangruna nu makailako ti 100 a piraso, nga iti tubo na ditoy ket umanay metten a paggatang na iti kasapolan da iti maysa nga aldaw ken adda pay pagbayad na iti utang.
Mamati pay ni Aquino, nga adda iti krisis ditoy pagilian.
Daytoy ket gapu iti ngumin-ngina a presyo dagiti naduma-duma a gagatangen ken panagkur-kurang iti supply dagiti sumagmamano a produkto.
Uray kunana iti balut nga ilaklako da ket agkur-kurang metten ti supply.
Segun kenkuana, nu awan ti delivery ditoy siyudad, agturong idiay siyudad ti Urdaneta, Pangasinan tapno sadiay a gumatang iti ilako na a balut iti night market ditoy siyudad ti San Fernando.
