Temporario nga intuding ti Sandiganbayan Third Division inton Martes, Agosto 18, iti panagdengngeg para ti preventive suspension ni Senador Rodante Marcoleta.
Inton Setyembre 3 met ket nakatuding iti umuna a panagdengngeg ti bail petition iti Senador seknan ti kaso na a plunder.
Inwaragawag ni Sandiganbayan Third Division chairperson Associate Justice Karl Miranda dagiti petso kagiddan iti pretrial proceedings ni Marcoleta ken dagiti tallo pay a pada na nga akusado iti non-bailable case.
Idi Hulyo 22, imbilin iti Korte kenni Marcoleta nga ilawlawag nu apay a saan a rumbeng a temporario a masuspinir isuna a kas senador.
Nangisubmitir ni Marcoleta iti manipestasyon idi Agosto 3 a kumidkiddaw a malapdan ti pannakaipatungpal ti preventive suspension, ken awan met iti komento kadaitoy a banag iti biang ti prosekusyon.
Pinasingkedan pay ni Miranda a nangipila ni Marcoleta ken dagiti pada na nga akusado iti bukod da a petisyon tapno makapiyansa.
Sumangsango ni Marcoleta, da Representative Mike Defensor, Joseph Espiritu, ken Aristotle Viray, iti kaso a plunder gapo iti saan a panangideklara ti P75M campaign donations ti senador idi 2025 national elections.
