LA UNION – Kas maysa nga ina, aminado ni Ms. Arlyn Bambico, agdama a Principal iti San Fernando South Central Integrated School, a masaktan ti riknana ken agsangit nu bilang maysa ti anak na kadagiti estudyante a pinagungtan ti teacher a nag-viral iti TikTok video, gapu kadagiti insaw-sawang na a nasakit a sarita a kas ti “Iskuwater” ken “wala pa kayong narating”.
Impaganetget ni Bambico a nu adda iti insidente a saan a panagtinnunos iti teacher ken estudyante na, dagus na nga ipapaayan ti atensiyon dagitoy, nasken a maimbestigaran, ken dumalan iti umno a proseso.
Impalagip ni Bambico kadagiti mangisursuro ken kadagiti adda arapa-ap na nga agbalin a teacher nga adu dagiti linteg a naputar para iti proteksiyon dagiti ubbing, ngem awan pay ti naputar a linteg a mang-protektar kadagiti mangisursuro, isunga rumbeng nga ammo ti tumunggal manursuro iti ‘nature’ ti trabaho dagitoy.
