LA UNION – Impasigurado ti Philippine National Police nga awan ti malabsing a karbengan pantao dagiti motorista iti pannakaipatungpal dagiti checkpoints iti naduma-duma a lugar iti intero a Region One.
Segun kenni Police Lt. Col. GEORGE DEPALOG, agdama a Police Regional Information Officer, maipat-patungpal a naimbag iti pagrebbengan dagiti otoridad kadagiti naimuntar a checkpoints nangruna ita a panawen ti eleksiyon, ket awan met kunana iti mairek-reklamo a pulis nu maipapan iti panaglabsing ti karbengan pantao.
Kabayatanna, agpada a maipatpatungpal iti gun ban ken traffic rules kadagiti naimuntar a COMELEC Checkpoint iti naduma-duma a lugar ditoy rehiyon uno.
Segun kenni P/Lt. Col. George Depalog, agdama a Police Regional Information Officer, saan laeng nga implementasyon ti gun ban iti ipatpatungpal dagiti otoridad ita a panawen ti eleksiyon, ngem ketdi uray iti traffic rules ket agtultuloy a kit-kitaen ti PNP nu sur-suruten met laeng daytoy dagiti motorista.
