LA UNION – Rumbeng nga aywanan a naimbag dagiti taraken a dinguen tapno mayadayo dagitoy iti heat stroke.
Inlawlawag ni Dr. Pepito Estrada, Veterinarian IV ti Office of the Provincial Veterinary, a nalaka nga agsagaba iti heat stroke dagiti taraken a baboy ken manok bayat a dagiti nuang, baka ken kalding ket kabaelanda ti mangibtur iti nabara a panawen.
Gapu iti daytoy, rumbeng a kanayonen nga ikkan ida iti danum wenno digosen tapno mabang-aran.
Segun pay ken ni Estrada, nasken a paliiwen dagiti taraken nga ayup kadagiti senyales ti heat stroke kas iti saanda a pannakaidna, panagal-al, ken napartak a panaganges.
Kinunana pay a no matay ti maysa nga ayup gapu iti heat stroke ket saanen a mabalin nga ipauneg pay ti tao.
