Impaganetget ni Santa Rosa City Representative Dan Fernandez a pinasingkedan manen ti Quad Committee ti panagkumitda a mangipaay iti hustisia kadagiti pamilia a napukawan iti ay-ayatenda gapo iti nadara a kampania kontra droga ti napalabas nga administrasion ni Duterte.
Segun kenni Fernandez, pagrebbenganda a siguraduen a saan a malipatan dagiti sarita a nangngegda kadagiti biktima.
Kinunana a naduktalan da nga adda nasurok 6,000 a casualties no sadino ket mapattapatta a nangatngato pay daytoy segun kadagiti Human Rights Groups.
Innayonna nga ipakita dagiti ebidensia a kasapulan ti hustisia ken pannakaisubli ti panagtalek iti institusion.
Kabayatanna, ti sumaruno a Quad Comm hearing ket naikeddeng inton Nobiembre 6.
