LA UNION – Mangnamnama ni Ms. Arlyn Bambico, Principal ti South Central Integrated School ti San Fernando City La Union a ngumato ti ranggo ti pagadalan da iti mannarimaan a Region 1 Athletic Association Meet idiay probinsya ti Ilocos Norte.
Segun ken Bambico, ti San Fernando idi napan a tawen ket adda iti top 12 iti 14 a Divison Schools ditoy Rehion I.
Kunana a maragsakan isuna iti agdama a medal tally no sadinno nga saan met nga agpapaudi ti pagadalan da sipud ta daytoy nga aktibidad ket pagsagsaganaan a nasayaat dagiti estudyante ken coaches.
Inpalgak na pay a maangay ti Festival of Talents ditoy ciudad ti San Fernando inton umay a lawas.
Kabayatanna, inpasigurado ni Bambico a nakamonitor da kadagiti delegado tapno ti kasta masigurado ti kinatalged da.
