Kasaruno iti conviction wenno panagsentensya kontra kadagiti 13 a Filipino sadiay Cambodia a naglabsing ti surrogacy ban ti nasao a pagilian, pinalagipan ti Department of Justice (DOJ) dagiti babbai a Pilipino mainaig ti panagserrek iti kastoy a modus.
Impalagip ni Justice Undersecretary Nicholas Felix Ty nga agserbi koma daitoyen a pakdaar kadagiti babbai a possible pay a maengganyo ti dakkel a kantidad ti kwarta nga idiadiaya dagiti illegal recruiters.
Impakdaar met ni Usec Ty a sigurado a kastoy metlaeng iti maikeddeng a pagbanagan dagiti umanamong ken mamati iti panagak-akit dagiti recruiters, isu ket nasken kunana a saan latta datoyen a padpadasen.
Agparparang iti inisyal nga imbestigasyon ti DOJ a dumanon ti agingga kagudwa a milyon a piso ti tunggal babae a katulag da a mangaramid ti krimen.
Segun iti DOJ official, saan laeng a dagiti Filipino ti marigatan iti kastoy a sitwasyon nu ketdi argaman ti ubing nga ipasngay na gapo laeng ti modus; ti ubing ket maibilang a biktima ti nasao a krimen.
Iti agdama nabigbigen ti DJ ti ahensya a nagrecruit kadagiti babbai a nasentensyaan idiay Cambodia.
Dagitoy nga ahensya ket intudo dagiti pito a babbai a karaman kadagiti asentensyaan ngem narepatriate ditoy Pilipinas.
