BR LA UNION – Inbutaktak ni Batangas 1st District Representative Leandro Leviste iti maipagarop a kaadda dagiti kontraktor iti regional ken provincial office ti Department of Public Works and Highways (DPWH).
Dinakamat ni Leviste dagiti naala na nga impormasyon a maipagarop a panagserrek dagiti kontraktor kadagiti lower office ken units ti DPWH DPWH gaputa ad-adu dagiti mangimatmaton kadagitoy.
Karaman ditoy iti maipagarop a kontraktor ken makaal-ala ti government contracts laksid nga agserserbida kas opisyal ti DPWH.
Dadduma kadagitoy, kinunana, ket nangangato ti saadna kadagiti regional ken provincial office a posible a manggun-gundaway iti bileg dagiti opisinada.
Nu subliyanan dagiti napalabas a hearing ti kongreso maipapan iti flood control scandal, naibutaktak a dagiti opisyales ti DPWH a maipagarop a mangman-manipula iti bidding process tapno mapan kadagiti pabor a kontraktor ti kontrata para iti public infrastructure project.
Segun kenni Leviste, kasapolan a mabantayan daytoy tapno malapdan ti panagkukumplot dagiti kontraktor ken opisyal ti DPWH nga agresulta iti nababa ti kalidadna a proyekto wenno ghost projects.
