Pinasingkedan ni Interior Secretary Jonvic Remulla nga addan iti ninaganan a contracted hitmen ni Ramil Madriaga, a maysa kadagiti kitkitaen da nga anggulo ken manamnama dagiti kanayunan pay a detalye kadagiti sumaganad a testimonya.
Iti supplemental affidavit nga imbasa ni Madriaga iti panagdengngeg ti House justice panel mainaig ti impeachment complaint kontra kenni Vice President Sara Duterte ket inakusaran na ni sigud a Presidente Rodrigo Duterte ti plano a pammapatay wenno kudeta kontra kenni Presidente Ferdinand “Bongbong” Marcos Jr. apaman saan na nga ipasublat ti termino ti tawen 2025.
Nainget met a pinaglibakan ti Bise Presidente dagiti alegasyon ni Madriaga bayat a kinuna ti Malacañang a nakasalalay iti National Bureau of Investigation (NBI) ti panangkumpirmar nu agpayso metlaeng dagiti nakailanad iti supplemental affidavit.
