LA UNION – Maysa a rental car nga agmaris ti asul iti maipagarop nga insalda iti dua a babbai a nangrenta iti nasao a kotse manipud iti akinkukua a ni Mark Ducusin ti Barangay Sevilla, San Fernando City, La Union.
Nupay kasta, awan pay iti pakabigbigan iti nang-salda iti kotse a taga ili ti Bacnotan ken nu manu ti kantidad a nangisalda-an dagiti suspek a nabigbig laeng iti nagan a Marichu ken Maribeth.
Segun kenni Ducusin, naminduan a daras a nabiktima iti nasao a klase ti modus.
Immuna idi napan a bulan, idi rinentaan met laeng ni Marichu iti kotse na ngem naisubli ken maipagarop nga awan pakainaigan ti nasao a babai iti pannakaisalda daytoy.
Gaputa adda bay-bayadan ti biktima iti maysa a financing, nagtalek manen a nangipa-renta ti kotse na iti managan Marichu, iti kantidad a P1,500 kada aldaw.
Ngem gaputa saan a nasurot iti napirmaan a kontrata, partikular iti aldaw a pannakaisubli ti kotse kenkuana ken saan a pannaka-kontak ni Ducusin kadagiti suspek, isunga nagreport iti pulisiya.
Kabayatanna, iti maatap a na-carnap a kotse ket adda ita iti custodiya ti Bacnotan Police kalpasan a naipaka-ammo kadakuada nga adda iti naisalda a kotse iti maysa a residente ti nasao nga ili.
Dagus met a nagturong sadiay ni Ducusin ket nakumpirma na nga isuti mapukpukaw a rental car daytoy.
Iti agdama, maipros-proseso dagiti dokumento tapno mai-turnover kenni Ducusin iti kotse daytoy.
Iti biang ti pulisiya, mangisay-sayangkat dagitoy iti follow up investigation tapno amwen ti pudno a pasamak iti maipagarop a carnap incident.
