LA UNION – Impaganetget ni Manila 6th District Rep. Bienvenido “Benny” Abante Jr., chairman ti House Committee on Human Rights, iti panaglibas ni sigud a Presidential spokesman Harry Roque ket indikasyon a guilty dayto y iti maiyak-akusar kenkuana.
Nangipaulog ti arrest order iti House Quad Committee kontra kenni Roque gapu iti panagkedked na nga agsumite iti dokumento seknan ti kinabaknang na, transaksyon iti daga ken tax records nga immunan nga ingkari na nga isumite.
Saan metten a dimmar-ay iti panagdengngeg ti komite ni Roque.
Segun kenni Roque, nga aglab-labes ti Kongreso iti panangusar ti bileg da ken maipagarop a labananna iti korte ti nairuar a contempt kontra kenkuana.
Ngem impaganetget ni Abante, adda karbengan iti Kongreso nga agimbestigar agsipudta nu awan met ti isyu kadagiti dokumento a maipas-pasubmit kenkuana ket rumbeng laeng nga ag-comply.
Impaganetget ni Abante nga adu nga oportunidad iti impaay ti komite kenni Roque tapno dalusan ti naganna.
Nakaala ti Quad Committee iti ebidensya a mangi-konektar kenni Roque iti Lucky South 99, maysa nga iligal a POGO a naiparikep idiay Porac, Pampanga.
Duk-duktalen ti komite nu maipada iti legal a birok ni Roque iti panag-dackel ti kinabaknang na.
Nakitinnulong metten iti Philippine National Police a sapolen ni Roque.
