BR LA UNION – Impaganetget ni Batangas 2nd District Rep. Gerville Luistro iti “empty chair” wenno bakante a tugaw kas simbolo ti saan a panagdar-ay ni Vice President Sara Duterte iti impeachment proceedings.
Iti naudi a panagdengngeg ti House Committee on Justice, imbaga ni Luistro a ti laksid dagiti ebidensya ken diskusyon, agtaltalinaed nga awan ti direkta a sungbat wenno palawag manipud Bise Presidente.
Segun kenni Luistro, nabayag nga inuray ti komite iti personal a panagdar-ay ni Duterte iti sidong ti panagsapata, ngem awan ti nagbalin a sungbat na.
Innayon ti mammanday linteg, immabot ti komite iti punto nga umdasen dagiti ebidensya tapno ituloy iti proseso, isunga saanen a kasapolan pay a pawaywayan ti panagdengngeg.
Maipalagip nga idi Abril 29, indeklara ti komite nga adda probable cause, a nagbalin a basaran tapno isagana iti impeachment articles para iti panangtalantan ti plenaryo.
