LA UNION – Nainget nga inlibak ni Davao City 1st District Rep. Paolo Duterte nga am-ammona ti dati nga intelligence officer ti Bureau of Customs (BOC) a ni Jimmy Guban a nangiraman ti naganna iti mapukpukaw a kargamento ti shabu a naikabil iti magnetic lifters.
Iti statement nga inruar ti opisyal, saanna nga am-ammo ni Guban ken nalabit saan met nga am-ammo isuna ni Guban.
Awan ti makitana a rason tapno pangtaan ni Guban agsipudta saan a pulos a nag-krus ti dalan dagitoy.
Iti quad-committee hearing, imbaga ni Guban a nangibaon ti tao ni sigud nga Environment Undersecretary Benny Antiporda, a nangipangta kenkuana nga adda dakes a mapasamak kenkuana, nu dakamatenna ti nagan ni Duterte, bayaw na a ni Atty. Manases Carpio ken uray ti negosyante a ni Michael Yang a naitudo a karaman iti illegal drug shipment idi 2018.
