Patien ni dati a Senador ken Justice Secretary Leila de Lima nga adda ammo ni Police Lieutenant Colonel Jovie Espenido maipapan iti mapapati a panangiraman kenkuana iti panaglako iti illegal a droga.
Inaramid ni De Lima ti nasao a statement kalpasan ti testimonia ti self-confessed drug lord Kerwin Espinosa iti hearing ti Quad Committee ti House of Representatives.
Nupay immunan a nagtestigo ni Espenido, patien ni de Lima nga kadagiti napalabas a hearing ti Quad Comm, ady pay ti ammo na kadagiti iregularidad iti kampania kontra iti illegal a droga ti immun-una nga administrasion.
Espesipiko a dinakamat ti dati a Senador dagiti immuna a kinuna ni Espenido idi panawen ni PRRD a ni de Lima ket mapapati nga illegal drug protector.
Maipalagip nga iti immuna a testimonia ni Espenido iti sanguanan ti Quad Committee, inaminna ti mapapati a plano a panangpapatay kadagiti illegal drug personalities babaen ti ‘qouta and reward system’ nga ipatpatungpal ti PNP.
